testing

testing

Estée Lauder Advanced Time Zone 升級逆時空抗皺再生保濕眼霜

選擇眼霜真的幾煩﹐因為好多眼霜都只針對某一類問題﹐例如去黑眼圈﹑去浮腫﹑減眼紋…好似我咁一對眼有齊晒咁多缺點﹐究竟我應該選擇針對咩問題的眼霜好呢？最後我選擇了針對眼紋的Estee Lauder Advanced Time Zone升級逆時空抗皺再生眼霜﹐希望令眼袋位置的細紋有所改善啦。

產品具有Estee Lauder研發的複合元素(詳細的名稱好長)﹐而此元素有助肌膚重新其天然對抗衰老的活動。當健康的皮膚細胞收到訊息後﹐皮膚的天然玻尿酸製造量自動增加182%﹐有助對抗而上的細紋﹐讓皮膚更緊緻細滑﹐回復彈性。很多Blogger都說它霜抗皺功效強大，5天可以迅速減紋﹑深度保濕及重整彈性。我個人就覺得功效頗一般﹐以下是小編的用後感：


一瓶有30ml﹐產品在專門店售$450/30ml。用了三個月﹐早晚都有用﹐幾經努力終於用到就快見底！

首先比大家睇下眼霜的質地﹐唔太稀亦唔太黏﹐很快就被皮膚吸收﹐塗上眼尾後感覺很自然舒服﹐亦唔會令眼周起油滋粒。

眼紋方面﹐改善真的不大。用了三個月﹐眼紋依舊﹐沒有減淡﹐亦沒有變得更差。

如果有朋友知道邊款眼霜對於改善黑眼圈﹑去浮腫﹑減眼紋係非常有效﹐歡迎大家提供資料等我地去試一試呀。

3CE Super Slim Pen Liner in Black

出自韓國的3CE絕對係近年熱賣化妝品牌之一。這支liquid eyeliner只售$78，比市面很多品牌更便宜，買來粗用也不覺得肉赤！

這支eyeliner名為「Super Slim Pen Liner」，分別有黑色和啡色。而顧名思義，都知這支眼線筆的特色是極幼細。一開蓋，果然是極度幼細的掃頭，是我用過最幼的眼線筆。

掃完粉底後再試用產品，覺得非常易畫，不需幾秒鐘，就已經塑造出自然而幼細的眼線。對於喜歡裸妝和不喜歡粗眼線的妳，這支眼線筆一定啱用，可以令妳雙眼有神，又不會看起來濃妝抹艷。

圖中試範了粗幼眼線的效果，上色時順滑而且很易控制。

持久度方面亦不遜色，整條眼線維持到10小時，只是眼尾位置多油的時候有點甩色，建議在眼尾用少少primer，便可令眼線更持久。

圖中這個眼妝主要用了昨天介紹的3CE極幼細眼線筆、超薄一層 Estee Lauder Hong Kong白色眼影和假眼睫毛。如果想眼妝更自然，可以用睫毛液或較短的假眼睫毛代替。由於掃頭超幼，連畫下線都勁容易搞掂，真的不得不讚！

Comparison of three liquid foundations: Covermark, Shiseido, Revlon

講開粉底液，好多人都會熱捧Giorgio Armani或Laura Mercia。雖然好用，但這些品牌都真的偏貴。不經常化妝的你，花六百元購買一支用足一年都算是化算。但像我這樣每天化妝，便想諗吓有邊隻牌子又好用又價錢相宜，唔駛次次花五百幾蚊咁肉赤！而市面上粉底牌子眾多，每個牌子都有針對唔同皮膚和效果，例如給膚色暗啞的人、給臉部多紅印的人、給皮膚白的和黝黑的⋯另外亦有針對保濕、控油、透薄或遮蓋度高等等唔同嘅功效。
近半年，我總共買了三支濕粉，包括Covermark（約五百多元）、Shiseido Maquillage（約三百多元）和Revlon（約百多元）。當中有平有貴，究竟效果分別如何呢？

首先講吓我揀粉底的先要件，首先定唔可以浮粉，搽上臉時要順滑，其次是控油，因為我T字位較易出油，尤其在夏天時。如果做到這基本兩點，我也會考慮試吓。當然不是所有牌子都做到，而每個人要求的功效亦都唔同，所以選擇適合自己的最重要。

首先我講最先買的Covermark，我覺得是咁多款粉底最好的。原因是它真的超易塗勻全面，唔會令臉上一舊舊好似搽唔勻咁，搽完之後望落去非常自然。而我鍾意在夏天時使用這枝粉底液，因為它夠滑和透薄，冇咁易阻塞毛孔，控油方面不過不失。如果你崇尚自然妝，皮膚少瑕疵，這枝絕對是不二之選！

另外一款要介紹的是Shiseido Maquillage，這款是藴含精華素的粉底液，在妝前妝後都有預防皮膚粗糙的功效，保濕度尚可。它的質地都是偏水狀，比Covermark的稍為’杰’一點，塗上臉時亦一樣易推，不會搞到一撻撻。這支是我購買的第二支，回購原因是價錢相宜。不過它有個缺點，用於我臉上超過三小時T字位開始出油，控油和Covermark差不多。

最後是我最新買的Revlon Colourstay粉底液，是因為非常便宜而買的。而且包裝寫住長久保濕，持久控油，絕對啱晒我要求！它的質地是三款之中最厚身，擠出來像膏狀，比Covermark和Shiseido較難推勻全面，所以用這支粉底前最好搽primer！推勻全面後，你會發覺它遮蓋度較高，一些輕微的斑印也可遮蓋住，但明顯的便需要配合遮瑕膏了。雖然保濕度一般，但它的控油能力是三款之中最好，用了差不多六小時才出油！

三款不同的質地

在手背上推開粉底後的效果和色調

塗在臉上，未加遮瑕膏的效果

其實而家實在太多牌子供大家選擇，有時又未必下下要用到咁貴，啱用最重要。等我總括一下自己對三款濕粉的評價啦（五粒*為滿分）：

Covermark Essence Foundation Liquid SPF25
保濕度：*****
持久度：****
遮蓋度：**
控油度：***
易推度：*****

Shiseido Maquillage SPF25
保濕度：****
持久度：***
遮蓋度：***
控油度：**
易推度：****

Revlon Colourstay SPF15
保濕度：***
持久度：****
遮蓋度：****
控油度：*****
易推度：***

Shu Uemura Eye Lashes Curler

平時上睫毛膏前，大家一定先要㚒眼睫毛。有時候手勢唔好，又或者睫毛㚒設計唔好，總會漏一兩條，又或者㚒完好似冇㚒咁。

今次介紹嘅睫毛㚒非常出名，好多名人同專業化妝師都使用，貪佢弧度夠，貼合亞洲人眼型，做到一㚒即翹效果。大家不妨參照圖片裡面睫毛㚒嘅弧度。

㚒完之後，大家可以見到全部睫毛已經翹起挺身，一條不漏。

當然有好多脾子都有好好效果，Glam It Up鼓勵大家多d留言俾我地，互相交流產品用後心得。

呢個睫毛㚒喺莎莎、卓悅已經可以買到，價錢大約HKD128。

最後提提大家，睫毛㚒的軟膠嘅壽命有限，如果日日使用，大約半年左右就要更換㗎喇！x

喜療疤暗瘡疤痕專用配方 Hiruscar Post Acne Gel

唔知係咪年紀開始大，新陳代謝慢，骨膠原又流失，要令面上的暗瘡印完全褪去，至少要兩個月時間。近日開始再次使用「喜療疤暗瘡疤痕專用配方」對付頑強的暗瘡印，見到有少少成效所以要同大家分享一下。

「喜療疤暗瘡疤痕專用配方」為100%抗菌啫喱，功效包括：
– 改善現有暗瘡疤痕，能有效抑制皮膚色素沉澱，淡化黑疤及紅印。
– 專利Pionin配方，能減低暗瘡痊癒後出現紅腫機會，減少及阻截皮膚細菌蔓延，有效防止暗瘡再生。
– 其獨特配方能促進血液循環，助皮膚組織更生，高效改善凹陷的暗瘡疤，防止變成永久性暗瘡疤痕。

使用方法：每日塗於患處2至3次，建議於暗瘡癒合後塗搽並只適用於無破損的傷口。可與日常化妝品及護膚品同時使用。

用後感：
質地是透明啫喱狀，不含油份。帶點非常輕微的香味，不難聞亦不刺鼻。擠少少塗在暗瘡印位置，不需一分鐘已經被吸收，沒有刺激皮膚的感覺。在化妝前使用，亦沒有令粉底黏著，非常自然。

每天使用兩次，一個星期後，暗瘡印明顯地淡了。而且之前因為擠暗瘡而導致的不平滑也被撫平了。在第二個星期後，暗瘡印仍在，但比起使用前已經改變善了不少。（參考下圖）

個人感覺這支配方在使用的第一至第二個星期效果最顯著。雖然在第三個星期後的效果有點失望，但比起我之前用過的褪印產品好用，總括來說這是值得購買的。
價錢方面，約HKD105/10g，如每日使用兩次，至少可用到一個月，都算是廉價的產品啊。

Maybelline Hyper Sharp Eyeliner

呢枝眼缐筆，簡直物超所值！售價HKD89，超幼筆頭，液體狀質地可以隨你心意勾畫唔同眼形。最大優點係超防水！

This eyeliner is of super great quality! It is sold at HKD89. It really give you hyper sharp line. Since it is liquid, you can always go back and fill in any gaps in the line if you are not good at drawing eyelines. The strongest point is, it is water proof! Look at the pic below:

大家可以睇到，水喉直沖都冇甩色！

See? Even under a strong flow of water, it doesn’t smudge a bit!

我已經回購好多次，因為佢幫我畫到超幼眼缐！

I have re-purchased it for many times because it really helps me draw thin and sharp eyelines!

如果想畫粗D，將筆頭押平一D畫就可以。大家一定要買枝試試！

If you want thicker line, just put some force on it as you are drawing it. You should definitely get one and have a try!

註：如果你本身眼油多，可能要用eye primer配合。

Note: If your eyelids are often oily, you’d better apply eye primer before using it.

Have fun in make up! x

Bifesta Cleansing Liquid 全效保濕卸妝液

無論你化淡妝或濃妝，卸妝用品一定是每日的必需品！因此亦成為Glam It Up經常介紹的產品之一。今次為大家分享的是來自日本的Bifesta Cleansing Liquid，它是以水為基礎的卸妝液，比一般卸妝油清爽溫和，再配合睫毛液溶解成分（油性），能夠溶解防水眼妝，同時蘊含透明質酸，徹底卸妝同時呵護肌膚。產品特性：
* 含透明質酸，滋潤鎖水，用後肌膚水潤柔嫩。
* 由水而來的潔淨力，能夠溫和並迅速地使毛孔深處的化妝品浮出表面，並同時潔膚及補充水分。
* 用後無需過水，肌膚不會感覺黏膩或乾燥。
* 性質溫和，無香料、無酒精、無人造色素、無防腐劑，並通過皮膚過敏測試。
* 無需使用於化妝棉上，可濕手使用，方便沐浴時輕鬆卸妝。

用法：
這款卸妝液的質感介乎水和油之間，
感覺溫和不刺激，用法簡單，如要溶解濃妝，建議先將適當份量倒在抺乾的掌心，然後以打圈形式按摩全面和眼蓋約一分鐘，直至眼妝和面上的濃妝浮出來，即可以清水洗掉已溶解的妝容，之後亦毋需再使用潔面產品，以免沖走保濕成分。
如妝不是太濃，可以濕用，即是於洗澡時同時卸妝，也能同樣發揮卸妝效果。

用後感：

功效：溶妝的過程超快超容易，只係在面上打圈約三十秒至一分鐘，便可溶解妝容，亦唔需要大力摔。大家可參考上圖，用清水洗掉卸妝液後，見到洗手盤裡的污水，就是溶解了的妝容。但我在洗面後再以Neutrogena的卸妝乳抹面，竟然仲有殘餘化妝品在化妝棉上，發覺Bifesta的Cleansing liquid原來落妝唔夠乾淨。所以產品聲稱使用後無需再用其他潔面用品，我個人就不太認同。就算使用了其他用品可能沖走其保濕成分，亦建議使用，大可以塗上額外的護膚品保濕，好過妝落得唔夠乾淨啊！如妝太濃，可嘗試落兩次妝後再使用潔面產品。效果會比較理想。

用Neutrogena卸妝乳再落妝，見到仍然有殘餘化妝品痕跡，即是單單使用Bifesta一次落得唔夠乾淨。

氣味和質感：卸妝液無色無味，感覺很natural。使用完過水後，感覺水潤清爽而不油膩，皮膚亦沒有乾燥繃緊。

價錢：非常抵！HKD$59就有220ml，平過好多牌子好多！雖然產品功效未如想像中理想，但可以再落妝一次補救，就算用多了亦冇乜影響，因為實在大便宜。這大眾化價錢，絕對值得我再回購。

A dedicated hairpiece from Accessorize

這個淡粉紅色的頭飾購自Accessorize，減價後HKD$55。適合於特別節日或活動時配戴（平時戴的話感覺會誇張）。

頭飾以尼籠物料製造，配上零碎幼小的羽毛，可愛之餘並帶點古典的感覺。背面是梳形設計，無論你長髪短髪都容易戴上：只要用一個黑髮夾把一小撮頭髮夾起，再將梳子插在髪夾位置上便成。

上星期莎莎銀袋日，配戴了這個頭飾，襯上粉紅色連身裙，感覺很match呢！
其實Accessorize定期會有seasonal sale，就算我們介紹的這個不再出，也有差不多的設計啊。大家經過可以留意吓，買一個留在特別節日時配戴吧！

Tsubaki Hair Spa Shampoo

平時有冇覺得頭髮扁塌塌，冇D層次？你又有冇頭髮稀少問題？可以试下呢款洗頭水，價錢HKD98, 可喺萬寧/屈臣氏或各大超市買到。

呢隻係資生堂出嘅Tsubaki Head Spa系列，有用開嘅朋友都知道仲有其他護髮效果的。佢係系列入面最貴的，有山茶花成分，幫助為頭髮注入養分。有别一般乳液狀洗頭水，佢質地好稀好水狀，輕易滲透每條頭髮。而且起泡度足，輕易清洗頭髮之餘仲有淡淡花香，好似同頭髮做spa一樣！最緊要係滋潤度高，我基本上只用它，護髮素都skip埋！

用后效果？我請朋友幫我影左幾張close-ups:

可以見到效果豐盈不少！絕對冇噴任何造型產品㗎！大家不妨買黎試下！